سفیر الحب

لا تنسه المراجل یوم

یحسبونک اخو بالضیج ، او بالسانک تحامینی

التکبر مایلم صدقان ، اسلّم ما تحاچیــــنی

جعلتک سید الدیوان ، او مدیتک ابکل زودی

فرحت او ما تلمنی الگاع ، او خضّر بالنصر عودی

او گلت عندی اخو یفلان ، او بالملعب یدگ ثایه

طلع حلمی علی مگلوب ، شایل للعدو رایه

غرگان اببحر مجروح ، یسچب دمه بفراگک

نسیت اصواتی و انت اتلوج ، تبعت الاعرج الباگک

اریدک طابع الکل لون ، اریدک نجمه بعیونی

اریک ساعد الیمنای ، تدک الّی یدکونی

اریدک مرود العینای ، اریدک مثله لوصافی

اریدک ناصر المظلوم ، اریدک بسمه لشفافی

انتظرتک تشفی المجروح ،انتظرتک مرهم الناری

لگیتک رایه بید اجناب ، لگیتک تحرق ابداری

عبث تشلع شجر دنیای ، الیکسر ما ثخن فیه

الجمال ابهالورد موجود ، تدوس الحیه والحیه

دعیتک وآنه من صلباک ، تحس دمعی او تداوینی

ابمرض تلفونی الف مجنون ، اباثر حقدک تهاوینی

یجر گلبی حنانه اعلیک ، و انت امطومر ابزورک

ابن عمک واذا مترید ، اترک مو ذنب شورک

افتخر عندک رجال اسباع ، او بالصعبات معنیه

ابوکت المرزقه و الضیج ، تثبت مو قچقچیه

لا تنسه المراجل یوم ، ولا تنسه الیحبونک

شواجیر او فشگ مضموم ، تصلی الّی یکرهونک

جاسم ثعلبی (حسّانی) 16/04/1393

هدیه الی الاستاد هادی الساری ابو عارف