هوسات عواصف الزمان
الزمان ابگوسه یرمی اسهام ،امتابعنی او یرامینی
لچم جرحی او صحت احّاه ، اشو محد یداوینی
طحت لا ما طحت سکریت ، واحزانی التبارینی
نخیت البیه گرابه اویای ، شعل ناره او یدوینی
یتشمّت علی مرعوب ، بصبعه او یشّر العینی
یزامطنی ابهلاک او موت ، احچایاته التأذینی
عمر واگف له بالصعبات ، ما ذاکرنی ناسینی
یشوف الحگ عمت عیناه ، علی الباطل یدلینی
ما طعته او گصّیت السانه
...
افتر اعنانهه الایّام ، الیواعد یخلف ابوعده
التحترمه او تزامط بیه ، ما یوگف علی حدّه
تعرفه افلان وابن افلان ، تحل المشکله ابسده
تنخاه او ما هز ضرعانه
...
افتر اعنانهه او یا حیف ، الاخوا خاتلته خوّانه
بالظاهر تحبّه اهوای ، تود مسدود دیوانه
اضباع او حافت الطیبین ، تنطر یوگف السانه
من یوگف تحظر نعّایه
...
افتر اعنانهه او مسلوب ، حگ الخیّر المعروف
الماعدهم رحم واشرار ، تسلبه والعیون اتشوف
الساکت عنهم اصغیرون ، اذیاب او بالثنیّه اتحوف
من حگّه او یکرم خطّاره
...
افتر اعنانهه او شفناه ، الغنی ما یدری بالجوعان
الزم محبوسه عند العوز ، او متحمله العمل نسوان
لا تزعل اریدک سیف ، اهناه الزانه و المیدان
والما یحتر بارد غیضه
...
افتر اعنانهه او صارت ، قیامه اعلی الانس والجان
متوسدهه باشا افلان ، البایع غیرته او شبعان
الطایح بیهه ابو النچبات ، جدام الخلگ منهان
محتار ابعیشت رضعانه
...
افتر اعنانهه او هاجت ، الکرامه اترید راعیهه
البطاله . اکرونا . والغلوان ، اجروح او من یداویهه
الغمامه موگد الجوعان ، تستاحش تمر بیهه
والبیه غیره ایشد احزامه
...
افتر اعنانهه العاطل ، الیارانه ابحسابه اتفوح
المخارج تصعد ابکل یوم ، الراتب نص شهر وایروح
کلنه موته بس عدلین ، او درب المگبره مفتوح
لو زاد الضیم او خیّم ، وین المات ایدفنونه
...
جاسم ثعلبی (الحسّانی) 30/08/1399
:: برچسب‌ها:
#هوسات عواصف الزمان ,
:: بازدید از این مطلب : 1352
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
