سفیر الحب

لطمیّه وا ویلاه 

ابوعد عبّاس جبتونی ، اخوتی او ضنوة اعیونی

اختکم   لا    تعوفونی ، ابألم    و     اب     آه

...

اهلاله او هل شهر عاشور ، خرجنه امن المدینه آیه

الضعن  سار  ابسفر  للموت ، اویاه  متقدمه الرایه

عوایل و الدرب مخطور ، ابجمعنه اصحاب مشّایه

الشام  البایع   الصندید ، و   العراق    الثبت  رایه

السفیر  اتقدّم  ابترحاب ، او لگه اهل الکوفه نفّایه

حفرو  له  نگب   للموت ، اعیال    ایزید    ودّایه

الخبر  متاخّر   ابتقدیر ، وصل   و  ابکربلاء  الثایه

دارت  بینه کلهه   اجیوش ، و  الانصار     حمّایه

اعلنوا   بیعه  لعند ایزید ، نفوها  اجیوش  وفّایه

او منعوا  منّه  حتّی المای ، ما چن ضیف الولایه

واویلاه

ابوعد عبّاس جبتونی ، اخوتی او ضنوة اعیونی

اختکم   لا    تعوفونی ، ابألم    و     اب     آه

...

ما  قبلوا   گعد   دیوان ، و لا  یاجد   حقوق   انسان

عجم   ویّه  العرب   نافین ، ناگصهم  عگل   و ایمان

اجیوش  امدرّبه اعلی الثار ، لا  غیره  و  لا  و جدان

ترید اتصفّی قتل احسین ، او  تلقی ابراسه بالدیوان

لا  قبلوا   یرجعونه ، حکم  من   آل   ابو   سفیان

ولا من  مای   ینطونه ، ابامر  و  اصرار ابن مرجان

یم   العلگمی   الخیام ، دگّینه    ابعلم   و   احزان

ارماح اسیوف فوگ انبال ، او دایرنه  صبح   میدان

الطبول اتدگ او  چن لافین ، خوارج  بالبلد باعلان

العوایل  و   الاطفال    اتلوع ، تنطر   للغدر شبّان

قصّة  کربلاء  یا  ناس   ما     تنوصف     للعربان

یا اللّه

ابوعد عبّاس جبتونی ، اخوتی او ضنوة اعیونی

اختکم   لا    تعوفونی ، ابألم    و     اب     آه

...

لجل   حرمة   شهر  عاشور ، حرّمنه   الحرب  یومه

رفضوا   کل   صلح   محسوب ، و الفرسان جیدومه

انضرب   طبل   الضبوح   اعلان ، للجیشانِ معلومه

او دارینه  الستر   ما  فاد ، وصل   للعظم  مرسومه

ابیوم العاشر   ابعاشور ، ایزید  اعلن   فزع   گومه

اجتازوا  بالحرب  صبیان ، ابتدو  بالحرب  جرثومه

الظلم ما   حملته   الاصحاب ، دگّوا  ثایه  بالحومه

الدم   السال   لجل   الدّین ، من  زمرة   المیشومه

الائمّه   سگوا   دمهم فار ، الگطعوا  چفّه   مالومه

او بعد تطهیر اهل البیت ، احسین انذبح ملزومه

ابرمح شالوا الراس اجنود ، الیزید البادت اسمومه

الاحرار الفرفرت للموت ، مراقدهم ذهب بس بالذهب نومه

یفز من نومه من تنخاه

ابوعد عبّاس جبتونی ، اخوتی او ضنوة اعیونی

اختکم   لا    تعوفونی ، ابألم    و     اب     آه

...

شاعر اهل البیت : جاسم ثعلبی (الحسّانی) 26/05/1400