أُغنیّة مجنون
حبیبی إتبوسنی إو تختجل یا شف
إلیحب زاید عذابه إبمرض یا شف
تلح و إتگول أرید إلشوف یا شف
حرام إتلفنی و إتطمنی إبردیّه
...
أسکتک أسکت إلنّاس یعیونی
إبعید إلدرب و إنشلّت إمتونی
مجنون ما بیّه أحاچیک
تضغط علی و إترید أمر بیک
و أهلک یهود إو ما یرحمونی
...
أنا غریب إلدیره دیرتهم
تصعب علی و أحتاج خوّتهم
منعونی منّک و إلدرب مسدود
إو شرطوا علی بیکم إبد ما أعود
لو أعود بإلنار إو یحرگونی
أسکتک أسکت إلنّاس یعیونی
إبعید إلدرب و إنشلّت إمتونی
...
إشتامرنی إعلم بإلستر مریود
فدوه إلک یا أبو إلعیون إلسود
أنت حبیبی ما أعوفنّک
إبّطن إلگلب بیتک و أضمّنّک
ما رید شمّاتی یأذّونی
أسکتک أسکت إلنّاس یعیونی
إبعید إلدرب و إنشلّت إمتونی
...
أنت إلعزیز إلجالس إگبالی
إبحلمی إو خیالی إو بإلسعر غالی
أنتظرک إو ما أمل شهر وسنین
أتابع وصالک و أنطر إلطیبین
باقی مکانک حبّی بعیونی
أسکتک أسکت إلنّاس یعیونی
إبعید إلدرب و إنشلّت إمتونی
...
کافی إلعتب خلّینه مرتاحین
عدنه صبر نصبر إو موجودین
إنعیش إبهوانه و إلعمر مطلوب
إو حطنی إعله سدرک بإلخیال إنذوب
بإلطیف أجیلک ما یعرفونی
أسکتک أسکت إلنّاس یعیونی
إبعید إلدرب و إنشلّت إمتونی
...
ما چن خطبتک بس أظن ناسین
قسمتنه های إنعیش متفرقین
متحیّر إویاک إمن ألاگیک
إبیوم إلعرس بچفوفی أحنّیک
و أبگه خیالک ما یشوفونی
أسکتک أسکت إلنّاس یعیونی
إبعید إلدرب و إنشلّت إمتونی
...
گلبی یحن لک و إلدرب بیه نار
تگدر تضیفه إو تکرم إلخطّار
محتاج بس بوسة حلگ یهوای
یمکن تشافیه إو تصیر إدوای
یا وسفه و أهلک ما یخلّونی
أسکتک أسکت إلنّاس یعیونی
إبعید إلدرب و إنشلّت إمتونی
...
حرّاس عدکم لا یعرفونک
بسمی یذکرونک یجربونک
لا تمّن أحبابک یفضحونک
تخدمهم إو خادم یریدونک
إبهذا إلسبب منّک یمنعونی
أسکتک أسکت إلنّاس یعیونی
إبعید إلدرب و إنشلّت إمتونی
...
بس لا تسایس خلهم إیولّون
زاید صبرنه إو بعدک إصغیرون
و إلما یریدک عوفه بحزانه
إبعد علیه لا تطب دیوانه
لو تنغث أنت هم یغثّونی
أسکتک أسکت إلنّاس یعیونی
إبعید إلدرب و إنشلّت إمتونی
...
لا تلتهب یا ولفی أنا إویاک
و إبکل وجودی حاضر أتفدّاک
و إلیظلم إلعاشگ یظلمونه
ربّک یشوف إمفتّش إعیونه
إبحبی صریح إو خل یفهمونی
أسکتک أسکت إلنّاس یعیونی
إبعید إلدرب و إنشلّت إمتونی
...
جاسم ثعلبی ألحسّانی 31/02/1401
:: برچسب‌ها:
أُغنیّة مجنون ,
:: بازدید از این مطلب : 984
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
