الام الحنونه تعاتب ولدها المتوفی
تنوح اعلیک امک یالسریت ابعید
متی ترجع جفن عینک یغطیهه
الصوره حاضنتهه او ما ترید العید
الخیال او حلم بسماتک یداویهه
امک یالولد مستاحشه ابلیاک
عود الخاطر الله اللیل متنامه
فرد لحظه تشوفک و العمر خلصان
شلت یبنی او علیک اکثیر محتامه
ادور اعلی القبر و اکنس تراب البیه
یالساکن ابّطنه ارجوک حاچینی
انه امک و اجیتک و الگلب مجروح
و افراگک حبیبی اهوای ماذینی
تعال او شوف حالی والدموع اتسیل
یولیدی الدهر دمر ثنایانه
بعدنه امن الفرح و الحزن جر اطوار
صبرنه اسنین حتی الصبر ملانه
وحق عینک یروحی جردانی النوح
ما نامن اعیونی او لا جفن هود
اشم بثیابک او اشبع و اطوف اللیل
و اگعد کل صباح اتنطّر المارد
رب العالمین القسّم الّی صار
عنده حکمه بیهه ابحق منایاهه
یحب الّی یریده ابساحة المیدان
یجره ابکل مصیر او یوفی باحلاهه
احبک یالولد حب الوطن والدار
و احب بسمات فمّک من یحاچینی
سهرت اعلیک من صغرک و اگمط فیک
اریدک عدل یمی او لا تبارینی
مرعوبه اصبحت و اتمنه ملک الموت
افز من نومتی و اترجل الدارک
ادق بابک و اریدن صوتک المسموع
عجل طفیهه شبت بالگلب نارک
بعد ما ضل صبر عندی و افکر فیک
الملابس و الصور ما ضن تداوینی
رفیف العین دقدق و الجفن مرعوب
علی الّی راح منی او ما یحاچینی
شوصّف للخلگ لو عاتبانی البین
شقول ابیا سبب هاجرنی للتالی
انتظر لیله ابحلم تحضرنی و اتلقاک
یالکلک محنه او بالگلب غالی
ارید الیوم اشوفک یالذهبت ابلیل
محتامه علیک ارجوک دلینی
قل لی ابیا مدینه ابیا بلد یا دار
فرد لحظه انظرک یا بعد عینی
ولاکن ما یصیر ادری الدرب معسور
سریت ابعید و ادری اتغییر الوانک
الف رحمه اعلی روحک یا بعد هالروح
اعذرنی امک مریضه امدهوره ابشانک
جواب الولد لامه:
ییمه سامحینی ابنک ینادیک
ترکت الدنیا ما وفّیت بافعالی
الدهر طشرنه غصبن و الامر معلوم
بعد ما اشوف ابوی او امی للتالی
ییمه الدهر مایرحم ابد بالضیف
دق حربه علینه او ما رحم بینه
فرقنه ابکل صعوبه او هدّم البنیان
صم ابکم سمعنه او ما ینادینه
ییمه او داعت الله ودعت امال
روحی للفضاء طارت او مهمومه
اشوف اهل الجنازه و العزاء و النوح
امر کل یوم اشوفچ و انتی مهضومه
بعد بس البکاء یا یمه کفی النوح
درب الموت ممشی او ما اله تالی
انتظر تاتینی یمه و انه عد عیناچ
القیامه قایمه او تتنطّر العالی
جاسم ثعلبی (حسّانی) 04/03/1393
2014-06-24
بطلب من الاخت ام خالد فلسطینیه من مخیم
برج البراجنه فی لبنان ارجوا قراءه سوره
الفاتحه علی روح ابنها المرحوم محمد
:: برچسب‌ها:
الام الحنونه تعاتب ولدها المتوفی ,
:: بازدید از این مطلب : 1969
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
