دارمیّات محاوره بین الجزّار والضحیّه
قال الشاعر:
حن یا گلب و اشتاق واکسب هویّه
هم شایف الجزّار یرحم ضحیّه
...
قال الجزّار:
انا الاهدم ابیوت و انا اسمی جزّار
او لا ملح اهتم بیه او لا ارحم ابجار
...
قال الضحیّه:
گال الضحیّه ارجوک و الدنیا دنیاک
یوصل وکتهه اتشوف ضرباتی تبلاک
...
قال الجزّار:
بیدی الامر جزّار بیدی المنیّه
واجب علیک ابزور تخضع الیّه
...
قال الضحیّه:
بایع و اضحی الروح عمری نهیته
ادافع علی المظلوم حگ او کلیته
...
قال الجزّار:
بالک تذم جزّار من دردشالک
اشتتک واگطع بیک واکل حلالک
...
قال الضحیّه:
ابصومی او صلاتی اشکیک بس اللّه الیه
دمی شربته ابکاس کاتب وصیّه
...
قال الجزّار:
صعبه علیه اتهون انسان اسمّیک
احس جنّتی ابدنیای من تحچی اجازیک
...
قال الضحیّه:
بعت الگلب و الروح صرت امن الاحرار
المن فدوله ارواح لحسین الانصار
...
قال الجزّار:
بیدی الحبل مفتول شنهی او اهم بیک
سمینی شمر الکون بس تحچی ادمّیک
...
قال الضحیّه:
ردت الشهاده اتلوگ چتّفنی اچتاف
خالقنه رب الکون بس منّه انخاف
...
قال الجزّار:
معذور ادگ الباب او ذاتی ردیّه
مسئولی یعطی انذار یامر علیّه
...
قال الضحیّه:
تتحاسب انت ابهای ما عندک انصاف
تاخذ حچی الظلّام من اللّه متخاف
..
جاسم ثعلبی (الحسّانی) 13/07/1399
:: برچسب‌ها:
#دارمیّات محاوره بین الجزّار والضحیّه ,
:: بازدید از این مطلب : 1196
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
