حسین الحرّیّه
گلبی ینشد وین اجد ناصر معین
احسین من هو الهز قصور الظالمین
اطفال جنّه او نسمع ابضرب السیوف
بل تشابیه اجتمعنه ابکل ظروف
اکبار و اصغار او نسه نلطم علیه
ابکربلاء وازحوف نمشی او نعتنیه
نحزن ابعاشور و اعیون التنوح
نلطم اعلی احسین و ادموع التفوح
لإن ثوره احسین ثار اعلی الظلام
فده روحه و انتصر دین الاسلام
احسین آیه احسین رایه الکل سبب
احسین ابن حیدر علی لیث العرب
احسین جدّه النبی بن زهرا البتول
احسین عادل بیده الحل و الحلول
احسین جنّه او خالقه رب الجلیل
احسین للمحتاج برهان او دلیل
احسین نور الساطع ابضیّه الجمال
احسین دیوان الامامه و الرجال
احسین ابو الیمّه مناره الکل یتیم
احسین ضد الحاکم الظالم لئیم
احسین زمزم مای صافی ابحکمته
احسین معروف ابدلاله ابعزّته
احسین مرود عین یشفی کل مریض
احسین للخسران بامواله یعیض
احسین دار الحکمه للعالم تمام
احسین بالحومه تبث اصله الامام
احسین اخو عبّاس ساقی ابکربلاء
احسین لاخر عمر واجب طاعه اله
احسین گوم ایزید ابد ما هزّته
بطل بالمیدان بیّن هیبته
احسین جثته صارت ایشان الحدید
احسین لجلی او لجلک القاتل یزید
احسین عطشان انکتل قاتل لوا
احسین ما طاع المذلّه و ارتوا
احسین اهده اخوانه و اولاده ابوداد
لجل هذا الدّین حارب باجتهاد
احسین نجمه و الامامه زهرته
بالسماء الخامس علائم کتبته
احسین نور الارض للشاهد شهید
احسین حرّر ناس من طغمة یزید
احسین مو چلمه او اسم بس ذکره عید
احسین للتالی ابعگل کلمن عجید
احسین فارس للعرب بالانتصار
احسین نور او حبّه هب بالاختیار
احسین نایم بالگلب دوم الدهر
احسین من ینساه ابوه سید البشر
احسین نحلف بیه سند اصل او یقین
احسین للمظلوم سیف اللّه المعین
احسین ما مات او بگه حی بالعقول
احسین ثوره او شهد کل ثایر یگول
احسین ما بایع عدو ضر بالحلول
احسین حارب دافع الجدّه الرسول
احسین محراب العباده ابکل صلاه
احسین ما مات ابوساده ابسر هواه
احسین زاع الدّنیا زاد ابطاعته
احسین بالطف قاید اعداه حمدته
احسین للمسلم سفینه للنجاة
احسین ثار او حطّم اعناد الطغاة
هذا هذا احسین تشهد کربلاء
اویاه زوّاره تزوره ابهایله
گبره مصنوع ابذهب بیته الحنان
بیه شفاء او بیه السعاده او بیه امان
یمّه اخوه عبّاس رافع رایته
او یمّه اچفوف البطل سر جنّته
الدیره امنوره ابمنارات الشهید
زارته الساده الخوارج و العبید
یطّی امراد الیزوره ابمنیّته
الکرم اصله او یکرم الطاع اخوته
هذا حب یا ناس لحسین انعرف
الدنیا کلهه اتحبّه و العالم هتف
شهم ما طاوع الذلّه ابصف عنید
ساوم ابماله و واولاده ابضد یزید
باع روحه القالیه او ترک الاعیال
او سافر الجدّه او ما سلّم محال
ودّع اعیاله او لبس ثوب الحرب
رکب مهره او راسه یعلم منضرب
ما رجع من سمع لوعات الاطفال
هد علی الکفّار و اشتد القتال
لزم سیفه ابیمنته او بارز جیوش
گوم امیّه غیره ماعدهم و حوش
هذا الیضربه ابرمح ذاک ابحجر
طاف گوم ایزید بالساحه استمر
العطّش ضرّه اتخالفت ضدّه الرماح
بارزته الگوم بانواع السلاح
سقط من احصانه من ضرب السیوف
روحی فدوه السیّدی بین الصفوف
قال صدری فاتحه الضرب السهام
او بالشهاده نال مشروع السلام
شاعر اهل البیت : جاسم ثعلبی (الحسّانی) 28/05/1400
:: برچسب‌ها:
حسین الحرّیّه ,
:: بازدید از این مطلب : 1459
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
