المیمر
عالمیمر او عالمیمر او عالمیمر
ابچی اعلی حالی او حال ناسی امدمّر
...
ملّیت منّک بعد روح انسانی
گلبی الهدانی او بالدرب دلّانی
وزّنت شکلک والعگل میزانی
ارجوک کفنی بعد لا تتیمّر
...
چنت اندعیلک بس اشوفن طولک
مثل الگمر وابعینی اطالع نورک
من الخطر وانا الچنت ناطورک
عذّبت گلبی حیل بس لا تحثر
...
بسّک بعد عینی عمت متشوفک
صح عاشرت ما بیّنت معروفک
مسجون حضّک ما تراوی ازلوفک
ذاک الدرب گلبک جبح واتکتّر
...
ذاک الدرب خلینی عایش وحدی
انت العفتنی لا تگوم ابضدّی
المای اعلی ظهرک جودک المتبدّی
طبع البشر عاقل یفکّر مو عر
...
طبع البشر یحترم ناس الطیبین
ماهو حشر تابع اشکال الموذین
احنه اهل عزّه او مرحمه واهل الدین
لتچمّل اعیوبک علی و اتخنزر
...
اتخنزر علیّه ما اهاب اعیونک
ابعد طریجی لا اکسر اسنونک
حر ابحیاتی گلبی ما مرهونک
مشی الحمامه تمشی و تتبختر
...
مشی الحمامه تمشی مالک والی
تیله اعلی راسک لا تفکّر عالی
انت الرخیص او ارهه منّک حالی
تگلب کلامک بالصلح تتنطّر
...
تتنطّر المن روح ابد ما اریدک
ناس التکرمک زین خلهه اتفیدک
عید اللّه عیدی او لبسک انت ابعیدک
لابس خنافس ملتهب و امگمّر
...
امگمّر ابوجهک حمره من مکیجته
چنک الشاذی بالطبع ما شفته
لبس الاصایل بالتفخ بدّلته
لبس العبایه الثوب کیف امعطّر
...
لبس العبایه الدلّه یمهه او فنجان
ابحضن المضیف او گعده کلهم جیران
هیل او عطرها الگهوه تفتر میدان
های احله لمّه او بیهه گلبی اتبختر
...
اتبختر ابرکب الجمل و الخیل اشکال
مشحوف هور امرکّب اویاه اعیال
والعنگر امخضّر او بردی اعلی اتلال
والسمچ یرگص هچع مایه امشمّر
...
السمچ بالگاهن او مایه احسن مای
مای العروس ابگصبه نشرب بهدای
بارد امعسّل و التفگ و الرمّای
او صایود شوچی او یمّه چایه امخدّر
...
امخدّر الچای او یمّه سمچه المشگوگ
تازه او جدید ابصید شبک ام اعنوگ
ابگصب الرباخ اتشوّت او ریت اتضوگ
ما ینشبع منهه او دهنهه امعطّر
...
دهنه امعطّر صافی مثل الغوره
ارجع علی المعدان و آخد صوره
یم الدواب اگعد و امص شرشوره
واشبع حلیب او یا حلیب امطهر
...
اشبع حلیب اویاه لبن و الزبده
مخضوض بسگه اتبرّده و اتهدّه
مسئولة الخص طبعاً اهی الجدّه
والعیش سیّاح او شمر و امحمّر
...
العیش سیّاح او معاه هم طابگ
والسمچ مشوی من تصیر امسابگ
بعد الاکل خطارنه و امشابگ
والسبح بالشط یا هله ابهل منظر
...
منظر جمیل او چنّه بیه فرحانین
عیشه جمیله و اکل بردی امعیثین
عرج الگصب محداد اسمه او بالطین
مثل الحلاوه او موز لا بالاکثر
...
جنّه بلدنه او هم ابد ماعدنه
جانه الحرب صوب البلد هجّرنه
صرنه حضر وابحالنه شاهدنه
لا سمچ لا طیر الیجینه امن البر
...
عالمیمر و عالمیمر و عالمیمر
ابچی اعلی حالی او حال ناسی امدمّر
...
جاسم ثعلبی الحسّانی 20/06/1400
:: برچسب‌ها:
المیمر ,
:: بازدید از این مطلب : 2197
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
