أبوذیّات و هوسات و نعی تخص عشیرة الصرخه
إلشاعر صوغ چلماته وبن له
إبسجل ذاکر موالیده وبن له
إلشعر مولود کل شاعر وبن له
إشعلامک تسرق إبنی إلبین إدیّه
...
علی إلمابیه کفایه إبعمل مالح
أقر بإلعسل حالی إو ملح مالح
إلإیده قاصره إلعنگود مالح
یگول إلعنب حامض یضر بیّه
...
إلخطف عگلک دخل و نذر ولک گم
إذا عندک أهل إرحل ولک گم
إلگبر خالی علیه تبچی ولک گم
ونینک ما یسمعه إلخان بیّه
...
إلمضیف إبأهله بیت إلکرم مندم
إو علی إسباع إلمجفیه الگلب مندم
علیه إلعین تبچی إبدمع من دم
إلوگف بإلضیج لهله إو کسر فیّه
...
یادار لیش أهلچ جفونا
شالوا إبسکته إو عذّبونا
نعتب علی إلماودّعونا
إبعید إلدرب چنهم نسونا
...
إبیوت أهل إلفخر مرتفعه بإلطیبین
أهل دلّه إو مضیف الصرخه معروفین
إبیوم إلضیج کلهه إسباع متّحدین
إلدم یتحرّک وی ذوله إو ذوله
...
إلشجاع إبوگفت إلمیدان ، یستانس إبخوّانه
رحل صاحب مضیف إلیوم إو علیه إلصرخه حزنانه
حلّال إلمشاکل دوم و إیفصّل إبدیوانه
إلساس إمثبّت و إلیتریس یبنی اعلیه
...
إحنا أحزام ظهرک من تجی إلعیله
إو لو مال إلحمل ولدک تتچّیله
و إلخاین إو طاغی ما نعدّیله
إسمع شتگول العرژه إحنا إضلوعک لو ونّیت
...
یا إبو علی نار إو نور بإلدیوان چلماتک
إنت إلبإلکرم و إلجود معروفات وگفاتک
ما خاب إلذهب ویّاک بإلمیدان چیلاتک
شال إلبیه هیبه إحزن گلبی إحزن
...
مالوم إلگلب لو ناح إلصرخه إسباع خوّانی
یا إبو علی لیش إلیوم ترحل و أنا تنسانی
من گبلک إبو صافی رحل و أحزن إلحسّانی
یا عینی إبچی إعلی إلبیه هیبه
...
حگّه لو یشگ إلزیج حجی حسن مالومه
إرتحل منّه عجید إلگوم بإلمیدان جیدومه
یبدل إلشینه بإلزینات شهم و أفعاله معلومه
إمعدّل وأللّه إمعدّل للحگ تچّایه
...
أرید احچی علی إلزینین یوم إلکون ، والموته إشمحلاهه
إلزلم للصعبه مضمومین ، و إبیوم إلکلافه إتحارب إعداهه
إذا طگ إلتفگ و إلدان بإلمیدان ، کاشف صدره برماهه
إتقدّم یبنی إتقدّم دمّک بیه شاره
...
إحنا إسناد بإلدیوان و إلطایح نتچیله
إبسلفنه نکرم إلخطّار والقاصد نحییله
إسود إو ما نهاب إلموت و إلقاصر نعدیله
و إلعایل نکسر ضرعانه
طلّابت حگ و أللّه إویانه
ساری إو معروف إبدیوانه
یتلگّه إلچیله إبسدره ابیوم إلملزومه
...
یا حسافه إلعمر جفّه و إلوکت صایر غریب
إمعذّب إو جرحانی أخیی و إلجرح لازم یطیب
صار ضدّی إلعاندانی إلردته لالامی طبیب
دلّال أصبح یم عدوانی
دم ینضخ شاف إو عافانی
ما ضمّدنی إو لا عازانی
کلمن بیه ذایه إیشیل إبیومه إو یبعد
...
جاسم ثعلبی ألحسّانی 29/07/1400
:: برچسب‌ها:
أبوذیّات و هوسات و نعی تخص عشیرة الصرخه ,
:: بازدید از این مطلب : 1308
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
