أبوذیّات ربیع إلذکریّات
تحن روحی إعلی خلهه ونهه سلهه
إو گلبی ذاب منهه ونهه سلهه
إلحد یا یوم أجلهه ونهه سلهه
إعلی حضّی إلجفه إو جاب إلضیم إلیّه
...
إشمالک یا زمانی إتهجم عنّص
إشمزید إعلوم تحذف عبث عنّص
إشخبر یابه إبسبب تعترض عنّص
إلحقایق تنتشر حق أدبیّه
...
إلحاکم عادل إذ یرتضی شعبه
إو شبه صیت إلأئمّه إلخبر شع به
جمال إلعمل نور إبگمر شع به
إبزواله للفقر یزهی إلثنیّه
...
یگلبی إمهدّل إو تلطم شهدلک
إبعذابک حتّی إلیهودی شهدلک
موتک یطعم إبذوقک شهدلک
إو یذوقک فخر یوم إلمرجعیّه
(یوم إلحساب)
...
خلص صبری إو جرا دمعی وعاشر
إبّدال إلعلم یرقی أهلی، وعاشر
یروحی إنتخبی إلچ غدوه وعاشر
أجواد أحباب تهتم بإلخویّه
...
بِطَل کلمن طبخ لحسین بألشم
ولا یرجه ثواب إنقبل بألشم
إلکرم من أبو إلسارت قصب بألشم
یوزع أرزاق للنّاس إبخفیّه
...
یناعی عدله میته ولکفنّی
إو علیّه إهموم زادت ولکفنّی
للشام إو سبونی ولکفنّی
إعلی شاطی إلعلگمی إچفوفه رمیّه
..
بلا مقیاس إذا تُضرَب مثلهه
إلظلم مادام إذ إلجثّه مثلهه
مصیبت کربلا ماظن مثلهه
قتل تنکیل و إعیال إلسبیّه
...
زینب بلمأاسی إتنوح شتّت
إنتدمت و إلکفلهه إنغدر شّت
إعیال إو بإلحرب رضعان شتّت
إطفال إلمسلم إو طیحت رقیّه
...
أنوح إو ما یملنی إلحزن ولهم
إعلی قصّة کربلا أدگ صبر ولهم
حب إحسین عَبره نزل ولهم
إعلی گلبی إو ریت أنا ویّاه رمیّه
...
یحادی إلضعن کفن إحسین ولطم
إو بعد میفید نبش إلفتن ولطم
حزّوا راسه بإلمیدان ولطم
أمام إعیاله و أطفاله إلسبیّه
...
مریض إو ینحب إلسجّاد ویون
إو عمت عینی علیه ماهد ویون
إعلی طول إلدرب ونّه یجر ویون
إلفواطم و إلأطفال إتحن سویّه
...
خرافه إتزور مرقد حبل شدبیه
إبعگل و إبفعل طبع أخلاق شدبیه
یشاعر هذا یومک گوم شدبیه
إعلی طمس إلظلم خل نفزع سویّه
...
یظالم جوز منّه یامدینه
إخذ عبره إبحچینه یامدینه
یزید إو شفت گبره یا مدینه
خرابه إو تلعن إلنّاس إعلی إبیّه
...
یظالم لا تقیس إلنّاس بسّاس
إنلِطم لا تسجن إلمنکوب بسّاس
بنیانک ربض و إلخلل بسّاس
إبذهب لو بلّطیته أصبح رمیّه
...
إلیکذّب لا تأمنه إحتذر ونّاس
یصطّر بإلحچی إو یندحر ونّاس
إذا ما ترعی حق إلحشر ونّاس
إلدین إو مذهب إشفاد آل أُومیّه
...
نوالی إحسین طول إلعمر منهد
نسامح من إو نفذه أبد منهد
إبکبر سنّه إو نزل طوفان منهد
لطم جیمه إعلی جیمه إبکل نویّه
...
تاج إلغیره لو ینلبس بألطگ
یفجر إدماغ کلمن جبن بألطگ
إلیدور إلکباره إبفتن بألطگ
یظل مثل إلشمر موته إبردیّه
...
یتابع بإلخلافه أحفاد یزداک
کلام أللّه بعیال إلنبی یزداک
إحسین إحسینّه و إیزید یزداک
أمامی إو شیعی ما أعوف إلثنیّه
...
ضیاع إبعمری صایر لی شعتبک
إبخباثه إو تزهد إبحبّی شعتبک
عاصی إو تفعل إبرایک شعتبک
کرمتک خلبصت غزلی علیّه
...
إلظلم دگ نابه بچتافی وشچبای
غمگ جرحی إو نزل دمّی وشچبای
إبصریم أغلگ و أخل نبعی وشچبای
إلشچ و إلجرح زادن وجعی بیّه
...
شلم جرح إلکشف و أدّه علی دام
إشمطیب إلدای ما یلتم علی دام
ذبل عودی إو کسر جنحی علی دام
إلخبایث تجرف إو تگطف علیّه
...
إلدهر حوّطنی بعدائی وطفنی
إنچلب ما مرّه یعفینی وطفنی
إبجگاره إو ولّع أحلامی وطفنی
إبسحگته إنچوا إبناری إلتسری بیّه
...
أنا إلچنت ألک ساعد ولک عین
أحبّک و أنت إلی سلو ولک عین
وگفت إویاک ما خنتک ولک عین
عفتنی إو غبت ما نشدیت بیّه
...
إیترهدن ولفی یرمی إسهام مرمر
إمن إعیونه إو شعلنی إبنار مرمر
إلگلب من لحم مو من صخر مرمر
تلهوگ بیه شجاک إرحم علیّه
...
إلزلم لو واعدت توفی وعدهه
إبمأاتمهه تحل عقده وعدهه
إلطلابه إبعزمک إحسمهه وعدهه
إو فک باب إلصلح و إصفی إلخویّه
...
إلمودّه کألورد تزهی ولطرش
إعلی شوفک گلبی إمدخّن ولطرش
إلعمه حس بیّه أحبّنّک ولطرش
إمتانی إلمیّت إیفز یرثی بیّه
...
جسمی إمدوهن إبشوگک ولک سل
متت و أحبابی جبلونی ولک سل
بعدک نایم إبغیضک ولک سل
متی تحتر لما تلفی إلمنیّه
...
تظاهر شمس إلی إو تضوی وبدری
إو لمستک تحفر إبگبری وبدری
هواک إمجرثم إبصدری وبدری
إو ناوی إتگودنی إو تقضی علیّه
...
جفنک حاجبک عینک شرفلک
إو حبّک زوّد إجروحی شرفلک
نسیت إبگلبی لو یمّک شرفلک
وطن و أنشر لک إبذاتی إلهویّه
...
إمگرفص کیف أمد عودک وحلّک
إمدوحس عاجد إضنونک وحلّک
إنتظرتک ما شفت وصلک وحلّک
تطخ لو أبدلک إبورده أشگریّه
...
وکتک قسمه حیف إیفوت وقرا
إو طوّر عقلک إبتعلیم وقرا
طالع کتب و إشفی إلروح وقرا
تثقّف و إدرس إفهم کل قضیّه
...
یعینی إبچی إعلی ضیم إعضاچ ودری
إو رفیجچ گلبی یبرم غضب ودری
إذانی إو أنتِ کل إلسبب ودری
تجیبن له إلفتن من کل نویّه
...
حرت ما بیّه أحملنّک وعینک
صدیق إو لو عدو مدری وعینک
دریت إیوهوس إگلیبک وعینک
گمت من هسّه تلعب طوبه بیّه
...
عطش گلبی إعلی عین إهوای ودهه
طلبته إبصوره گتله إستهم ودهه
ردت أعرف إشگد بإلوزن ودهه
إمغطیه إلوجه ما معتمده بیّه
...
مهم للرجل غالی إیکون عرضه
إیتمتّع بإلیودّه إبرضا عرضه
إذا مانع ظهر لیصیر عرضه
إیتجاسر ینتقد و إیدز وصیّه
...
جاسم ثعلبی ألحسّانی 25/05/1401
:: برچسب‌ها:
أبوذیّات ربیع إلذکریّات ,
:: بازدید از این مطلب : 846
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
