أبوذیّات ألحبیب
یگلبی إلحاط إجاک إنتبه عطّر
إشتحط و إتضمّد إلمجروح عطّر
هیل إو عله إلگهوه إیفوح عطّر
یطگ بإلخشم و إیشافی إلأذیّه
...
أحبّک ما یردنی إلسجن ودّاک
إو عساها إبحضّه کلمن علی ودّاک
عزیز إو گلبی ما ینساک ودّاک
أکرهک لیش و أنت إعیونی إلیّه
...
أرکبت و أفلت عطرهه من جملهه
إو عمت عینه إلنظرهه من جملهه
أخدرت و إلنّاس ذابت من جملهه
تحرگه إلما سجد و أدّه إلتحیّه
...
شهی ذوقک إو طبعک بستکانه
إو عسل صافی إبحلاته بستکانه
أحلمت بل طیف إجیتک بستکانه
شهر ضلّیت أحس چن عید إلیّه
...
گمر ضاوی إو نجم خدّک وشم بیک
تعال إحذای أشبگنّک وشم بیک
یم شمّاتی أمرّنک وشم بیک
إلعیبی إو تجلب إلعادانی إلیّه
...
إنغدر یعقوب ضاع إبنه وعدله
إلیزهدک لا تطوطیله وعدله
بختک دوم تچّیله وعدله
إلما عنده بخت ما یطر فیّه
...
إنسان إو تخلف أرض أللّه ولک در
علی إلحق ساند إخوانک ولک در
لا تچنف إبضرعانک ولک در
یهشم إلمعتدی رب إلبریّه
...
إلعنده عقل دون إلحشر بشّر
إو رسول أللّه بخلاق إلحسن بشّر
إلحمل عل عاتقه إدراقات بشّر
یجیه إلشر إو یحرگ شیب إبیّه
حشیء إلسامع
...
صدیقی إویای لو ضدّی معاهم
عوائل مات أبو إلهم مهاهم
گحط و إتراب لافیهم معاهم
إلسجن میفید موتتهم سویّه
...
جنود إبحق تطالب و إلهویّه
شباب إلیعربیّه ولإلهویّه
إبیوم إلموزمیّه و إلهویّه
خذوا من علی عبره داحی إلباب
...
هلی طوب إلفخر دایم حملهم
إبضیج إو هوّسوا شالوا حملهم
هلی کل إلخلگ گامت حملهم
هلی منهم علی حامی إلحمیّه
...
إنتجنّب فتنت إلشر منّبیهه
و لا نطلب محنّه منّبیهه
خذت عبره عربنه منّبیهه
أمینه إو ما تهاب إمن إلمنیّه
...
خجل قلمی یجر طوری وندواه
إحترگت إو داوی إبضیمی وندواه
حاضر و أشرک إبهمّه وندواه
رفیجی إبکل محنتی عون إلیّه
...
ترکته إلزاهد إبعگله وشر بیه
غسلته إو یبّست ثوبه وشربیه
أود إلّی یشاورنی وشر بیه
کلامی ما یخلفه إیعن علیّه
...
جاسم ثعلبی ألحسّانی 28/02/1401
:: برچسب‌ها:
أبوذیّات ألحبیب ,
:: بازدید از این مطلب : 897
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
