ابوذیّات للاخوان
الیضدنه انسابه حیّوله بیوله
سفک دمّر لعب یوله بیوله
اکو رب یرضخ الظالم بیوله
حشی الرب ینتظر جمع الخویّه
...
الرضع ثدی امّی شب ویّای ویلاخ
ابزین او شین اریده احذای ویلاخ
قبل لا اگول آخ ایگول ویلاخ
اذا ما گال شامت ظل علیّه
...
اخوی الما یمّر بیّه و مر بیه
تبع غیری او ضگت حامض ومربیه
اشوف الضدنی حیّاله و مربیه
امن ادگ بابه یوزّه ابشر علیّه
...
اخوی الّی یضرّه کان من کان
ابن امّی ما احسبه بشر من کان
اللعّب بینه ابگلبه حقد من کان
لگه ضعفی بخوی او فتک بیّه
...
اخوی التابعانی ابطمع بالکیل
اعدّیله او یزید الکیل بالکیل
تبع عدوانی و استغربت بالکیل
ابحضور اعدای و ایعربد علیّه
...
اخوی ابن امّی سیفه ابحذر وشّر
ابیسر و ابعسر ما ضم علی وشّر
اریده عون الی بالفرح وشّر
او نرتب اطفالنه ابعزّه او حمیّه
...
السکن ویّای روح ابروح بالحای
او کشف لونه اعلی موده الشیب بالحای
اخوی الما کرمنی ابزود بالحای
امن اموتن لا یشگ ثوبه علیّه
...
التحوفه اجناب یدفع ثمن بثّار
والیستضعف عفیف ابدار بثّار
السحگ حق الفقیر ایعار بثّار
الخلگ والرب تسدد له المنیّه
...
ابنظر لا ما تقاس البشر کلهه
الطبخ اکله ابظلاله او کفر کلهه
الرب بکتابه وصّه ابحذر کلهه
الهتک دم ینهتک دمّه ابردیّه
...
ابن ابوی اعتازه درگه او سیف وبهام
نخیته او صحت دگنی الضیم وبهام
اخوی الما وگف لی ابفرح و ابهام
ما اریده ابنفاه ایمر علیّه
...
احبابی او دوم اباری الهم شملهم
ابهیده والدهر عنّی شملهم
الگلب ضایج او ذاکرهم شملهم
مضن سنتین ما مروا علیّه
...
احبابی الوادعونی او جفوا لاوین
شصبر الگلب سل و احتصر لاوین
الحد من هالفراگ ایطول لاوین
لفانی الشیب ضل یتّچّه بیّه
...
جاسم ثعلبی (الحسّانی) 12/12/1399
:: برچسب‌ها:
ابوذیّات الاخوان ,
:: بازدید از این مطلب : 3615
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
