ابوذیّات هلی
هلی لاوین جرهم غصب وهلاک
العریضی الحادهم للذبح وهلاک
الذنب منّی طعت للغرب وهلاک
تعال انعوفهم وانرد خـــــــــویّه
***
طریق الحق نبل مدفون واسلاک
اداوم بیه سکن میمون واسلاک
ترید الشمخره والبرا واسلاک
ابرفع راســـــــک تکّلم للبریّه
***
المصایب گوطرن هاجن وحدهن
ابمعایب هدّمن گلبی و حـــدهن
اذوبن والضم اجروحی وح ادهن
العدوا مسرورو انا النار بیّــــــه
***
ولک بالک تدک گلبی ولک عوف
ولک سکران بذنوبک ولک عوف
بگه بس العظم ساتر والکـــعوف
اشمرید ارتاح تتهمنی ابّلیّــــــــه
***
یگلبی احبابک العافوک ولهام
وصل رمح العده للچبد والهام
نزعت افراگهم و الذکرو الهام
گطعت ادروب دشّتهم علیّـــه
***
یگلبی احبابک الخانوک خنهم
انجمع ضبع العدا بضباع خنهم
میفیدک ابد من طــــاع خنهم
یحطهم ساتر او یهــــجم علیّه
***
یگلبــــــی العمر خلّص بعد لتعد
او علی الّی گاطعوک ابنسب لتعد
انتظر یوم النصـــــروانهاک لتعد
نعیّد سوه من تلفی المنیّـــــــــه
***
یگلبی تابع الطیبین طبهــــــــــــام
ابّطن دیوانهم و استمر طبهـــــــام
دوا ایصیرون لک بالضیج طبهام
یعینونک اذا طحت ابّلّیّــــــــــــه
***
یگلبی شد علی اکحیلان شد هام
او تعصّب للمشاکل دوم شد هام
احباب التابعوک ابضیج شدهام
هذوله احبابک او تاج الخویّه
***
اخوک الجرّه کل من غبی میعاد
علیک او قسمتک تختبر میعاد
اشربت کاس القهر بالنظر میعاد
قهرهم سرنی صفگ لی بدیّه
***
یگلبی دوف ضیم الـــــدهر و ابنای
قصر بهمومک اصنع صبر و ابنای
اذا صالح یکرمک ستـــــر و ابنای
یزیدک بالفــــــــرح صبح او مسیّه
***
یگلبی لا تهم بالوکــــــت بالاک
ولا تترس ضمیرک فکر بالاک
اشّر لک ضعیف ابکدر بالاک
اسمعت بایات مــــــا اثّرن بیّه
***
جاسم ثعلبی (الحسّانی) 12/03/1395
:: برچسب‌ها:
ابوذیّات هلی ,
:: بازدید از این مطلب : 2166
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
